Weskus en Kagga Kamma Dag 1 Moorreesburg

Ek het gedink Meimaand is nie die regte tyd vir Weskus en Karoo nie. Immers is dit koud. Die son lyk ook onseker of hy wil skyn of die wolke die voorreg wil gee om voor hom in te skuif vir ʼn bui reën nie. Wanneer die wolke dan wel die geleentheid kry is hulle wispelturig met miskien ʼn druppel hier en daar, waarvoor ons baie dankbaar is. Wat wel verseker is, is dat die weer die tyd net meer interessant gemaak het.

Ons het by Moorreesburg begin kuier. Oorspronklik sou dit vir ons ʼn week later op Kagga Kamma begin het maar op aandrang van buurman Izak is ons roete met ʼn week vervroeg om in Moorreesburg by sy kleinneef Johan en die se vrou Anne-Mari pizza te geniet en dan verder op Lambertsbaai toe om by Tienie en Betsie vars snoek op die voor te braai.

Johan en Anne-Mari het ons gul ontvang en die Pizza was ʼn belewenis. In die voorkamer/onthaalarea van hulle huis is ʼn massiewe pizzaoond. Volgens Johan, groot genoeg vir drie groot pizzas maar ek is oortuig hy sal maklik vyf daar inkry. Ek sal egter nie met hom stry nie want die twee, Johan en Anne-Mari, het duidelik baie kennis van pizza onthaal.

Anne-Mari het deeg voorberei en terwyl Johan die vuur in die oond gemaak het. Toe die bakkerybegin was daar nie brieke aan die twee nie. Anne-Mari het die perfekte pizzas voorberei terwyl Johan met die lang Pizzaspaan die bakwerk waargeneem het.

Ek dink hulle het omtrent twaalf pizzas gebak. Alles van seekos tot Peperoni. Ons was net ses mense maar daar was genoeg vir minstens twintig. Die smaak was besonders en daar was ook nie ʼn einde aan Anne-Marie se verbeelding wat die bestanddele betref nie. Daar was van fyngekapte rissie vir die wat van brand hou tot avokadopeer.

Johan Anne-Mari Mereesburg
?
Advertisements

4 thoughts on “Weskus en Kagga Kamma Dag 1 Moorreesburg

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s