GESIN GUNSTELINGE

 

Deur die jare kom altyd ‘n ‘gereg’ met enige gesin saam wat daardie gesin se gunsteling is. Dit is die ‘gereg’ waarvan almal hou en niemand in die gesin kan wag dat Ma moet opskep nie. Wanneer Ma dan ook hardop wonder wat sy vir Sondag ete gaan maak, sal iemand hierdie gunsteling ‘gereg’ voorstel.

In ons gesin se geval is hierdie gunsteling resep ons SAMPIOEN HOENDER EN RYS GEREG.

Dit was die eerste hoender gereg wat vroutjie-doutjie vir ons gemaak het na ons getroud is.   ‘n Vriendin het my skoonfamilie eendag genooi vir ete en het die gereg voorgesit. Sy was toe so vriendelik om ook sommer die resep te gee.

Sampioen Hoender.

8 Hoender porsies
Meel met sout en peper gegeur
25 ml olie gemeng met 50 g. botter
1 Hoender ekstrak blokkie
1 koppie rys
500 ml Kookwater
Sout
1 Blikkie geroomde sampioene

Rol die hoender in die meel (wat met die sout en peper gegeur is) en braai in die warm botter en olie tot goudbruin. Plaas die stukke in   ‘n kasserolbak en versprei die rys oor die hoender gevolg deur die sampioene. Los die ekstrak blokkie in die kookwater op en gooi dit oor die hoender, rys en sampioene. Geur met sout. Bedek kasserolbak en bak in   ‘n vooraf verhitte oond teen 180° C vir een uur.

Die hoender word heerlik sag en die rys is deurtrek met   ‘n dik sampioen sousie. Dit is veral die rys wat die meeste aftrek kry. As ma wegkyk, maak die kinders skelm die kasserolbak in die oond oop en gooi nog bietjie rys by want die rys is so lekker dat ma maar net sowel die hoender kan los en net die rys gaarmaak.

Kersfeeskos is vir ons die een ete waarin ons poog om die hele gesin se gunsteling resepte te akkommodeer.

Kersfees is regoor die wêreld van die Christendom ‘n Christus Fees, maar ook ‘n eet-fees… vir ons gesin is dit dieselfde. Vroutjie-doutjie het deur die jare   ‘n standaard Kersfees spyskaart ontwikkel wat elk van ons vier in die gesin se gunsteling gereg of bykos insluit. Ons wyk nie sommer van die spyskaart af nie en die voorbereiding begin gewoonlik   ‘n dag of twee voor Kersdag.

Kersfees Spyskaart:

Hoof Gereg

Gevulde Hoender

Gerookte Glans Ham

Gegeurde Rys

Benitha se Noodle Slaai

Drie Bone Slaai

Goue Pennie Wortel Slaai

Nagereg

Straw Rum Triffle (Koekstruif)

Die ‘Drie Bone Slaai’ en die ‘Goue Pennie Wortel Slaai’ kom uit   ‘n bekende resepte boek en daarom gaan ek die resepte nie herhaal nie. Die ‘Ham’ is   ‘n Gerookte Glans Ham wat ons by ons slagter koop. Net voor die feesseisoen kan jy ‘n gerookte glans ham by die meeste supermarkte ook kry maar die ideaal is om die by jou gunsteling slagter te bestel. Jy kan die glasering self doen met appelkooskonfyt en kersies maar dit is makliker as die slagter dit doen want die resep is standaard en dit proe dieselfde.

Hier volg egter die resepte van die ander items.

Gevulde Hoender

Kry ‘n lekker groot plaas hoender. Ek weet in die supermark kry ‘n mens hoenders met ‘n etiket wat sê “FREE RANGE CHICKEN” maar ek glo dit is ingevoerde hoender want in Suid Afrika word ‘n “FREE RANGE CHICKEN” binne een dag gesteel. So koop maar eerder jou hoender by die slagter wat eerlik erken sy hoenders is masjien hoenders van ‘n hoender plaas af. Terwyk jy by die slagter is, en indien hy ‘n goeie vriend is wat vir jou ‘n spesiale gunsie sal doen, vra hom om die hoender te ontbeen, anders… as jy die nog nooit voorheen gedoen het nie… vat ‘n dag by die werk af, koop twee ekstra hoenders vir ingeval die eerste verfonkfaai word en ontbeen jou die hoender self.

Vir die bestanddele moet jy die volgende hê:

1 Groot handvol maalvleis
1 lekker dit sny brood of twee snye as jy winkelbrood gebruik (sny die korsies af).
1 eier
‘n paar lekker skudde hoender speserye
2 t. Vars gemengde kruie (tiemie, roosmaryn, oreganum) of 1 teelepel droë gemengde kruie
4 of 5 repies spek (streaky bacon) in blokkies gesny
1 ui fyngekap
Sout en swart peper
Olie en botter om in te braai

Braai nou die ui en die spek in die olie en botter tot die ui deurskynend is. Skep die ui uit en braai die maalvleis met die kruie, sout en swart peper tot dit gaar is. Laat staan tot die koud is.

Was die hoender mooi skoon en droog die buite met ‘n kombuis handdoekie af. Sit die hoender nou met die rugkant na onder op ‘n houtbord.

In ‘n glasbak meng jy nou die koue maalvleis met die brood en die eier – werk die goed deur sodat die eier en brood goed met die maalvleis gemeng is.

Begin nou om die hoender van onder af met die vleis mengsel te stop. As die maagholte vol is, stop die res van die vleis in die krop. Werk al die gate (bo en onder) tydelik met ‘n tande stokkie toe.

Nou moet jy en jou gade mooi saam werk. Jy kry voor die tyd vir jou ‘n plastiek emmertjie (2 liter) of ‘n groterige jam blik en jy sny die bodem uit. Nou wat jy net wat jy by jou slagter gebedel het toe jy die hoender gekoop het en jy trek die oor die emmertjie of jam blik. Terwyl die een persoon nou die blik of emmer vashou, werk die ander een die hoender deur die houer terwyl die net terselfdertyd afgetrek word sodat jou hoender binne in die net anderkant uitkom. Bind die twee punte van die net in ‘n knoop, trek die tandestokkies uit en siedaar, jy het ‘n hoender rol! Die rol word nou goed olie gesmeer en in die yskas gehou vir minstens een uur om te rus voor die op die vuur of in die oond gesit word. Ons maak die gewoonlik op die Webber met die roteserie gaar maar indien jy die verkies kan jy die in die oond teen 180°. Ek dink so twee ure behoort genoeg te wees om die goed gaar te kry maar gebruik eerder ‘n vleis termometer.

Indien jy nie net in die hande kan kry nie of die jam blik storie lyk te moeilik, kan jy die hoender met ‘n toutjie vas werk.

Gegeurde Rys

Olie om in te braai
1 ui (gesnipper)
½ groen rissie
1 Tamatie (ontpit, geskil en gesnipper)
1 koppie rys
sout na smaak
¼ t. borrie

Braai die ui. Voeg die groen rissie, rys en tamatie by en braai tot bruin. Pasop dat die rys nie brand nie.
Bedek met water. Voeg die borrie en sout by en kook tot die rys sag is.

Benitha se Noedel-slaai

500 gram skulp noedels
1 Handvol ertjies
1 Klein blikkie ingemaakte perskes 1 pak gesnipperde spek
1 koppie Mayonnaise
Twee teelepels kerrie (verkieslik klaar aangemaakte kerrie pasta)
250 g. cheddar kaas in dobbelsteentjies gesny
Sout

Kook noedels in soutwater tot andante.
Gooi perskesap af en hou eenkant.
Sny perskes in blokkies
Braai spek in   ‘n pan tot bros
Verwyder spek en meng saam met noedels, ertjies, perske blokkies en kaas
Gooi perske sap in pan waarin spek gebraai was, voeg kerrie by en kook vinnig vir   ‘n paar minute.
Meng met noedels mengsel.
Roer die mayonnaise by en bedien


Triffle (Koekstruif)

Die Straw Rum in die triffle het ons heel toevallig ontdek. Ons wou die triffle maak en het nie geursel gehad om te gebruik nie.   ‘n Paar maande voor die Kersfees het vriende kom kuier en vir ons   ‘n bottel Straw Rum gegee vir ons gasvryheid. Dit was, vir ons, so sleg en sterk dat ons dit nooit gedrink het nie. Uit nood trek ons toe daardie kersfees die bottel nader as alternatief vir die vir die geursel en ontdek toe dat dit wonderlik werk. Daardie geskenk bottel het ons vyf jaar gehou omdat ons die slegs vir geursel gebruik.

Vir die Triffle moet jy die volgende hê:

Twee of rolkoeke – die tipe met die konfyt in wat jy by die supermark kry.
1 blik (400 g.) gemengde vrugte in stroop
1 lt. vla (self aangemaak of gereed-vir-gebruik gekoop – indien jy koop moet jy versigtig wees om nie die goedkoop tipe te koop wat waterig is nie. Die beste is Ultra Mel vlae want dit is lekker dik en goed gegeur.)
1 pakkie rooi jelly (aangemaak)
1 pakkie groen jelly (aangemaak)
neute en/of kersies vir versiering

Sny die rolkoek in dun skywe.
Sny nou die jelly fyn deur 
  ‘n mes deur die gestolde jellie te trek.
Lê 
  ‘n diep glasbak uit met   ‘n laag rolkoek skywe. Besprinkel die rolkoek met Straw Rum of ander geursel waarvan jy hou. Dit word nou gevolg deur   ‘n laag rooi jelly, dan   ‘n laag groen jelly en dan gemengde vrugte. Bedek net met vla.
Herhaal al die stappe soos bo tot die bak sowat 25mm van vol is of tot jou bestanddele klaar is.
Versier en laat vir 
  ‘n dag in die yskas staan voor dit bedien word sodat die geure lekker kan deurtrek.

Soos ek reeds gesê het, sommige resepte word toevallig ontdek. Dit is soos ons die Eggnog resep gekry het.

‘n Mens hoor altyd van die ‘Eggnog’ wat die Amerikaners drink en ons het altyd gewonder hoe maak   ‘n mens dit en hoe smaak dit. My nuuskierigheid het een Kersfees die oorhand gekry.

Ons kyk die Ou Kersaand   ‘n program op televisie en die Amerikaners drink te heerlik aan hulle Eggnog, Ek besluit toe net daar en dan nou gaan ek uitvind hoe Eggnog gemaak word. Omdat dit voor die tyd van internet was, was die telefoon my enigste wyse van kommunikasie met die groter wêreld. Dit is hoekom ek toe die telefoon gids vat en die nommer van die Amerikaanse Ambassade in Pretoria bel. Ek vra toe die mannetjie wat antwoord of ek asseblief met die Ambassadeur kan praat. Hy sit my toe deur na   ‘n ou wat klink of hy die hoof van sekuriteit kan wees en ek verduidelik toe vir hom dat ek die Ambassadeur soek om hom te vra hoe maak mens hierdie Eggnog wat die mense van Amerika so op televisie drink. Die ou beveel toe laggend aan dat ek eerder die konsulaat moet bel en hy gee my die nommer. By die nommer antwoord weer   ‘n ou en toe ek hom sê wat ek soek, lag hy ook en sê ek moet wag hy roep sy vrou. Uiteindelik kom ek toe by  ‘n baie vriendelike Amerikaanse tannie uit wat my die volgende resep sommer uit haar kop gee:

Eggnog – Eier Drankie (Uit Amerika se konsulaat!)

(Een bediening)

1 eier – geskei
1 eetlepel suiker
¼ koppie room
1 sopie brandewyn, whisky of rum (die Amerikaners gebruik bourbon)

Klits die eierwit styf
Klits die room styf en voeg die suiker en brandewyn by
Vou die eierwit by die room in.

Nou drink ons elke ou Kersaand egte Amerikaanse Eggnog.

WITBANK

Om terug van Natal af Mpumalanga toe te trek is ‘n baie groter aanpassing as om van Mpumalanga af Natal toe te trek. Die gevoel wat jy kry as jy in Natal is, is baie meer ontspanne en die mense is rustiger. Mpumalanga, soos Gauteng, gee jou die gevoel dat alles ‘n gejaag na wind is en dit voel of niemand hier bly omdat hulle graag wil nie maar eerder net omdat dit die plek is waar hulle hul lewens brood verdien.

 

Gelukkig was daar heelwat van ons ou vriende wat ons in Ermelo, Empangeni en Richardsbaai geken het, wat reeds vroeër Witbank toe getrek het en hulle het ons gou tuis laat voel.

 

Ons was baie gelukkig om… uiteindelik… ‘n baie lekker groot huis met ‘n groot tuin te kry. Die tuin het ons die geleentheid gegee om met ons stok perdjie, die kweek van kruie, waarmee ons in Vryheid begin, het voort te gaan. Min het ons geweet dat vroutjie-doutjie kort voor lank ’n inkomste uit hierdie stokperdjie sou kry.

 

Van hierdie vriende wat ons weer in Witbank raakgeloop het en ons gou tuis laat voel het was byvoorbeeld Gerhard en Rina, met wie ons nou nog baie aande om die vuur sit en gesels, Mark ‘The Gadget Man’ en Tanya wat nou in Standerton bly maar baie van ons belangstellings deel en Mark wat ‘vir ons onthalwe’ elke nuwe ‘gadget’ op die mark toets. Dan was daar Francois en Hester. Dit is nou nie die Francois na wie ek vroeër verwys het, wat die rou pampoentjie en poeding oor sy rys geëet het nie! Hierdie Francois was op Ermelo in ‘n stadium my departementshoof en dit was lekker om hom en Hester hier in Witbank te hê. By hulle het ons al in Ermelo ‘n resep of twee afgekyk en hier in Witbank het hierdie bron van lekker kos resepte nie opgedroog nie. Ons gebruik byvoorbeeld nog gereeld een van Hester se resepte, wat ons in Ermelo by haar gekry het, as ‘n voorgereg met ‘n vleisbraai. Dit is die ‘Strokies Steak’ voorgereg.

 

Strokies Steak Voorgereg

 

Soveel steak as wat nodig mag wees, in dun strokies van 10 sentimeter x 2 sentimeter.

Marinade:

1 k kookolie

1 k druiwe asyn

¾ k bruin suiker

½ k tamatie sous

½ k blatjang

3 t sout

1 t droë mosterd

1 t met die volgende mengsel – gelyke hoeveelhede van – kerrie, borrie, wonderpeper, neutmuskaat en fyn kaneel.

1 e grof gemaalde koljander

4 gekapte knoffel huisies

1 fyn gekapte ui

Vars gemaalde swart peper

 

Meng in ’n voedselverwerker saam en laat dan vir ’n halfuur staan voor gebruik sodat al die geure kan meng.  Gebruik genoeg marinade om die vleis te bedek en marineer vir minstens drie ure maar verkieslik oornag.

 

Die marinade behoort genoeg te wees vir 3 kg vleis maar as jy nie alles gebruik nie kan dit in die yskas gehou word vir die volgende braai. Die kan ook gebruik word vir hoender, tjops of sosaties.

 

Francois en Hester het ‘n wildplaas, Ositele, naby Heidelberg gehad. Hulle het ons een naweek oorgenooi wildplaas toe. Dit was ‘n pragtige plek. Vroutjie-doutjie, Doggie  en ek het in die boskamp met pragtige hout chalets gebly terwyl Francois en Hester in die oorspronklike opstal, sowat ‘n kilometer van die boskamp af gebly.

 

Dit was nou weer ‘n ander onvergeetlike ondervinding!

 

Weereens ‘n eerste vir ons was dat die water met ‘n ‘donkie’ warm gemaak moes word. Francois het gewaarsku dat ‘n mens nie te veel hout in die ‘donkie’ moes pak nie. Die gevolg was dat ons die eerste oggend te min hou gepak het en… in ‘n Hoëveld-winter… ‘n koue stort moes trotseer! Die tweede oggend het ons gesorg vir heelwat meer hout op die vuur. Die water was egter steeds koud en weer moes ons die koue stort trotseer. Sowat ‘n uur later was die water heerlik warm, maar helaas te laat. Ons moes die ‘donkie’ bietjie meer tyd gegee het, het Francois later vir ons gesê.

 

Vroutjie-doutjie en Doggie het veral die aande se vuurmakery in die Boma geniet. Francois het gesorg vir ‘n berg hout wat die twee in twee aande opgebrand het. Die twee het dit so geniet dat ek… met klippe wat Francois van die plaas af aangery het… later by die huis ook ‘n Boma gebou het. Vroutjie-doutjie en ek sit nou in die winter minstens een maal per week langs ‘n lekker warm vuurtjie.

 

Hester het die hout chalets – daar was vier chalets en ‘n gemeenskaplike kombuisie – pragtig versier met hout meubels en helderkleurige gordyne en linne. Langs elke bed was daar vir elke gas ‘n botteltjie sjerrie met ’n etiket op waarop gestaan het ‘Ositele Anti-Freeze’. Ons het heerlik op die hout veranda voor die chalets gesit en met die Hoëveldse winterveld waar troppe blesbokke en swart wildebeeste rustig gewei het, ‘n glasie ‘Anti-Freeze’  geniet.

 

Die Saterdag oggend is ons na die opstal toe genooi en getrakteer op ‘n elfuur drankie genoem ‘Nakita’.

 

NAKITA

 

2 sopies Vodka per gas

1 Bakkie goeie kits koffie poeier

1 Bakkie strooisuiker

Lemmetjies in baie dun skywe gesny.

 

Elke gas neem ‘n lemmetjie skyfie, doop die een helfte in die koffie poeier, draai dit om en doop die ander helfte in die strooisuiker. Sit dit in jou mond en sluk dit af met die vodka.

 

My vorige buurman en goeie vriend, Mark (the Gadget Man), het my en vroutjie-doutjie ‘predictable’ genoem, as gevolg wan ons gewoonte om elke Vrydagaand te braai. Wanneer ’n mens so gereeld braai raak mens moeg om altyd dieselfde snitte en soorte vleis te braai en dieselfde bykosse daarmee saam te maak en jy begin eksperimenteer. Soos ek ook vroeër genoem het, kry ‘n mens oral ook idees vandaan. Ek het byveerbeeld een aand, met inbel-program oor radio, wat gegaan het oor wat mense graag as bykos maak wanneer hulle braai, twee idees gekry wat ek beproef het en verbaas was oor die resultate.

 

Pap met Boerewors.

 

Meng jou pap soos gewoonlik.

Sny boerewors, die hoeveelheid hang van jou smaak af, in twee sentimeter stukkies en roer dit in die pap mengsel in. Laat dit dan saam gaar word.

 

As alternatief vir die boerewors kan gerookte kaas wors, stukkies salami of enige wors van jou keuse gebruik word.

 

Jy sal verbaas wees oor hoe lekker die wors die pap geur.

 

Daar is darem niks so lekker soos ‘n vars gebakte brood nie en as jy eers begin het om jou brood in jou swart platboom-ysterpot te bak, gebruik jy nooit weer ‘n gewone broodpan nie. Dit is nou soos ‘n mens ‘n potbrood bak op die vuur , maar ons gebruik die ysterpot sommer om die brood in die oond te bak.  Dit is so al of die brood meer egalig in die pot bak.

 

Ek was betrokke by ‘n nege kort-putjie golf klub net buite Witbank. Al die lede moes saamwerk om die klub, wat baie min lewe het in stand te hou. So met die saamwerk is die tradisie dat daar eenkeer ‘n jaar ‘n Boere/Engelse dag gehou word. Dit is ‘n dag dat van die lede, en besoekers, hulle aantrek soos Boere uit die Anglo/Boere oorlog en ander hulle weer aantrek soos die Engelse uit daardie dae. Interessant is dat daar soms meer Engels sprekende lede in die Bore span was en meer Afrikaans sprekende lede in die Engelse span was as anders om. Die span waarin jy speel hang meer af van die outydse klere wat jy in die hande kan kry as van die taal wat jy praat.

 

Op die dag word daar dan sommer ‘n potjiekos kompetisie gehou. Teen ‘n nominale bedrag kon enige iemand ‘n potjie inskryf. Die enigste voorwaarde was dat die persoon genoeg gaste moes saambring om sy potjie op te eet. Golfspelers ontvang, saam met sy inskrywing op die dag, ook ‘n ete kaartjie vir ‘n bord potjiekos wat deur een van die komitee lede vir die spelers gemaak word.

 

As klub komitee lid was dit een jaar my werk om die kaartjies vir die golfspelers uit te reik. Vroutjie-doutjie en ek het ‘n paar vriende genooi en ek het besluit om so tussen die kaartjies uitgee deur, ‘n hoenderpotjie vir my gaste te maak. Ek was nie van plan om my potjie vir die kompetisie in te skryf nie, maar ek is omgepraat en het op die ou einde die tweede of derde plek met my potjie behaal.

 

Hier is my Kerrie Hoender Potjie resep.

 

Kerrie Hoender Potjie.

1 hoender – in stukke gesny

1 ui fyn gekap

1 t sout

1 e kerriepasta of 1 e kerrie poeier, Masala al die ander lekker saadjies en goed wat ’n mens by kerrie gebruik.

Olie

3 lourierblare

Water om in te kook

½ suurlemoen sap

1 e appelkoos konfyt

1 blikkie klapper melk

 

Braai die kerrie vir ’n paar oomblikke in die olie om die geur lekker ui te kry. Voeg nou die fyngekapte ui by en braai tot die ui deurskynend is die olie tot deurskynend. Braai nou die hoender tot goudbruin. (Ek braai altyd my vleis eers bietjie voor ek dit kook want ek glo daardie braaismakie gee die gereg altyd ’n beter smaak)

 

Voeg nou die suurlemoensap, appelkooskonfyt, lourierblare en sout by. Voeg water by tot die vleis net-net bedek is en kook tot die hoender van die bene af loskom.

 

Haal nou die pot van die vuur af, voeg die klappermelk by en roer goed deur. Laat die pot so 15 tot 30 minute asemhaal en bedien dan met rys.

  

 

GESIN GUNSTELINGE

Deur die jare kom altyd ‘n ‘gereg’ met enige gesin saam wat daardie gesin se gunsteling is. Dit is die ‘gereg’ waarvan almal hou en niemand in die gesin kan wag dat Ma moet opskep nie. Wanneer Ma dan ook hardop wonder wat sy vir Sondag ete gaan maak, sal iemand hierdie gunsteling ‘gereg’ voorstel.

 

In ons gesin se geval is hierdie gunsteling resep ons SAMPIOEN HOENDER EN RYS GEREG.

 

Dit was die eerste hoender gereg wat vroutjie-doutjie vir ons gemaak het na ons getroud is.   ‘n Vriendin het my skoonfamilie eendag genooi vir ete en het die gereg voorgesit. Sy was toe so vriendelik om ook sommer die resep te gee.

 

Sampioen Hoender.

8 Hoender porsies
Meel met sout en peper gegeur
25 ml olie gemeng met 50 g. botter
1 Hoender ekstrak blokkie
1 koppie rys
500 ml Kookwater
Sout
1 Blikkie geroomde sampioene

 

Rol die hoender in die meel (wat met die sout en peper gegeur is) en braai in die warm botter en olie tot goudbruin. Plaas die stukke in   ‘n kasserolbak en versprei die rys oor die hoender gevolg deur die sampioene. Los die ekstrak blokkie in die kookwater op en gooi dit oor die hoender, rys en sampioene. Geur met sout. Bedek kasserolbak en bak in   ‘n vooraf verhitte oond teen 180° C vir een uur.

 

Die hoender word heerlik sag en die rys is deurtrek met   ‘n dik sampioen sousie. Dit is veral die rys wat die meeste aftrek kry. As ma wegkyk, maak die kinders skelm die kasserolbak in die oond oop en gooi nog bietjie rys by want die rys is so lekker dat ma maar net sowel die hoender kan los en net die rys gaarmaak.

 

 

 

Kersfeeskos is vir ons die een ete waarin ons poog om die hele gesin se gunsteling resepte te akkommodeer.

 

Kersfees is regoor die wêreld van die Christendom ‘n Christus Fees, maar ook ‘n eet-fees… vir ons gesin is dit dieselfde. Vroutjie-doutjie het deur die jare   ‘n standaard Kersfees spyskaart ontwikkel wat elk van ons vier in die gesin se gunsteling gereg of bykos insluit. Ons wyk nie sommer van die spyskaart af nie en die voorbereiding begin gewoonlik   ‘n dag of twee voor Kersdag.

 

 

Kersfees Spyskaart:

 

Hoof Gereg

Gevulde Hoender

Gerookte Glans Ham

Gegeurde Rys

Benitha se Noodle Slaai

Drie Bone Slaai

Goue Pennie Wortel Slaai

 

Nagereg

Straw Rum Triffle (Koekstruif)

 

Die ‘Drie Bone Slaai’ en die ‘Goue Pennie Wortel Slaai’ kom uit   ‘n bekende resepte boek en daarom gaan ek die resepte nie herhaal nie. Die ‘Ham’ is   ‘n Gerookte Glans Ham wat ons by ons slagter koop. Net voor die feesseisoen kan jy ‘n gerookte glans ham by die meeste supermarkte ook kry maar die ideaal is om die by jou gunsteling slagter te bestel. Jy kan die glasering self doen met appelkooskonfyt en kersies maar dit is makliker as die slagter dit doen want die resep is standaard en dit proe dieselfde.

 

Hier volg egter die resepte van die ander items.

 

 

Gevulde Hoender

 

Kry ‘n lekker groot plaas hoender. Ek weet in die supermark kry ‘n mens hoenders met ‘n etiket wat sê “FREE RANGE CHICKEN” maar ek glo dit is ingevoerde hoender want in Suid Afrika word ‘n “FREE RANGE CHICKEN” binne een dag gesteel. So koop maar eerder jou hoender by die slagter wat eerlik erken sy hoenders is masjien hoenders van ‘n hoender plaas af. Terwyk jy by die slagter is, en indien hy ‘n goeie vriend is wat vir jou ‘n spesiale gunsie sal doen, vra hom om die hoender te ontbeen, anders… as jy die nog nooit voorheen gedoen het nie… vat ‘n dag by die werk af, koop twee ekstra hoenders vir ingeval die eerste verfonkfaai word en ontbeen jou die hoender self.

 

Vir die bestanddele moet jy die volgende hê:

1 Groot handvol maalvleis
1 lekker dit sny brood of twee snye as jy winkelbrood gebruik (sny die korsies af).
1 eier
‘n paar lekker skudde hoender speserye
2 t. Vars gemengde kruie (tiemie, roosmaryn, oreganum) of 1 teelepel droë gemengde kruie
4 of 5 repies spek (streaky bacon) in blokkies gesny
1 ui fyngekap
Sout en swart peper
Olie en botter om in te braai

 

Braai nou die ui en die spek in die olie en botter tot die ui deurskynend is. Skep die ui uit en braai die maalvleis met die kruie, sout en swart peper tot dit gaar is. Laat staan tot die koud is.

 

Was die hoender mooi skoon en droog die buite met ‘n kombuis handdoekie af. Sit die hoender nou met die rugkant na onder op ‘n houtbord.

In ‘n glasbak meng jy nou die koue maalvleis met die brood en die eier – werk die goed deur sodat die eier en brood goed met die maalvleis gemeng is.

Begin nou om die hoender van onder af met die vleis mengsel te stop. As die maagholte vol is, stop die res van die vleis in die krop. Werk al die gate (bo en onder) tydelik met ‘n tande stokkie toe.

 

Nou moet jy en jou gade mooi saam werk. Jy kry voor die tyd vir jou ‘n plastiek emmertjie (2 liter) of ‘n groterige jam blik en jy sny die bodem uit. Nou wat jy net wat jy by jou slagter gebedel het toe jy die hoender gekoop het en jy trek die oor die emmertjie of jam blik. Terwyl die een persoon nou die blik of emmer vashou, werk die ander een die hoender deur die houer terwyl die net terselfdertyd afgetrek word sodat jou hoender binne in die net anderkant uitkom. Bind die twee punte van die net in ‘n knoop, trek die tandestokkies uit en siedaar, jy het ‘n hoender rol! Die rol word nou goed olie gesmeer en in die yskas gehou vir minstens een uur om te rus voor die op die vuur of in die oond gesit word. Ons maak die gewoonlik op die Webber met die roteserie gaar maar indien jy die verkies kan jy die in die oond teen 180°. Ek dink so twee ure behoort genoeg te wees om die goed gaar te kry maar gebruik eerder ‘n vleis termometer.

 

Indien jy nie net in die hande kan kry nie of die jam blik storie lyk te moeilik, kan jy die hoender met ‘n toutjie vas werk.

 

 

Gegeurde Rys

 Olie om in te braai

1 ui (gesnipper)
 

½ groen rissie
 

1 Tamatie (ontpit, geskil en gesnipper)
 

1 koppie rys
 

sout na smaak
 

¼ t. borrie

 

Braai die ui. Voeg die groen rissie, rys en tamatie by en braai tot bruin. Pasop dat die rys nie brand nie.
Bedek met water. Voeg die borrie en sout by en kook tot die rys sag is.

 

 

Benitha se Noedel-slaai

 

 

500 gram skulp noedels
1 Handvol ertjies
1 Klein blikkie ingemaakte perskes 1 pak gesnipperde spek
1 koppie Mayonnaise
Twee teelepels kerrie (verkieslik klaar aangemaakte kerrie pasta)
250 g. cheddar kaas in dobbelsteentjies gesny
Sout

Kook noedels in soutwater tot andante.
Gooi perskesap af en hou eenkant.
Sny perskes in blokkies
Braai spek in   ‘n pan tot bros
Verwyder spek en meng saam met noedels, ertjies, perske blokkies en kaas
Gooi perske sap in pan waarin spek gebraai was, voeg kerrie by en kook vinnig vir   ‘n paar minute.
Meng met noedels mengsel.
Roer die mayonnaise by en bedien

 

 

 


Triffle (Koekstruif)

 

Die Straw Rum in die triffle het ons heel toevallig ontdek. Ons wou die triffle maak en het nie geursel gehad om te gebruik nie.   ‘n Paar maande voor die Kersfees het vriende kom kuier en vir ons   ‘n bottel Straw Rum gegee vir ons gasvryheid. Dit was, vir ons, so sleg en sterk dat ons dit nooit gedrink het nie. Uit nood trek ons toe daardie kersfees die bottel nader as alternatief vir die vir die geursel en ontdek toe dat dit wonderlik werk. Daardie geskenk bottel het ons vyf jaar gehou omdat ons die slegs vir geursel gebruik.

 

Vir die Triffle moet jy die volgende hê:

Twee of rolkoeke – die tipe met die konfyt in wat jy by die supermark kry.
1 blik (400 g.) gemengde vrugte in stroop
1 lt. vla (self aangemaak of gereed-vir-gebruik gekoop – indien jy koop moet jy versigtig wees om nie die goedkoop tipe te koop wat waterig is nie. Die beste is Ultra Mel vlae want dit is lekker dik en goed gegeur.)
1 pakkie rooi jelly (aangemaak)
1 pakkie groen jelly (aangemaak)
neute en/of kersies vir versiering

 

Sny die rolkoek in dun skywe.
Sny nou die jelly fyn deur 
  ‘n mes deur die gestolde jellie te trek.
Lê 
  ‘n diep glasbak uit met   ‘n laag rolkoek skywe. Besprinkel die rolkoek met Straw Rum of ander geursel waarvan jy hou. Dit word nou gevolg deur   ‘n laag rooi jelly, dan   ‘n laag groen jelly en dan gemengde vrugte. Bedek net met vla.
Herhaal al die stappe soos bo tot die bak sowat 25mm van vol is of tot jou bestanddele klaar is.
Versier en laat vir 
  ‘n dag in die yskas staan voor dit bedien word sodat die geure lekker kan deurtrek.

 

Soos ek reeds gesê het, sommige resepte word toevallig ontdek. Dit is soos ons die Eggnog resep gekry het.

 

‘n Mens hoor altyd van die ‘Eggnog’ wat die Amerikaners drink en ons het altyd gewonder hoe maak   ‘n mens dit en hoe smaak dit. My nuuskierigheid het een Kersfees die oorhand gekry.

 

Ons kyk die Ou Kersaand   ‘n program op televisie en die Amerikaners drink te heerlik aan hulle Eggnog, Ek besluit toe net daar en dan nou gaan ek uitvind hoe Eggnog gemaak word. Omdat dit voor die tyd van internet was, was die telefoon my enigste wyse van kommunikasie met die groter wêreld. Dit is hoekom ek toe die telefoon gids vat en die nommer van die Amerikaanse Ambassade in Pretoria bel. Ek vra toe die mannetjie wat antwoord of ek asseblief met die Ambassadeur kan praat. Hy sit my toe deur na   ‘n ou wat klink of hy die hoof van sekuriteit kan wees en ek verduidelik toe vir hom dat ek die Ambassadeur soek om hom te vra hoe maak mens hierdie Eggnog wat die mense van Amerika so op televisie drink. Die ou beveel toe laggend aan dat ek eerder die konsulaat moet bel en hy gee my die nommer. By die nommer antwoord weer   ‘n ou en toe ek hom sê wat ek soek, lag hy ook en sê ek moet wag hy roep sy vrou. Uiteindelik kom ek toe by  ‘n baie vriendelike Amerikaanse tannie uit wat my die volgende resep sommer uit haar kop gee:

 

Eggnog – Eier Drankie (Uit Amerika se konsulaat!)

 

 

(Een bediening)

 

1 eier – geskei
1 eetlepel suiker
¼ koppie room
1 sopie brandewyn, whisky of rum (die Amerikaners gebruik bourbon)

Klits die eierwit styf
Klits die room styf en voeg die suiker en brandewyn by
Vou die eierwit by die room in.

Nou drink ons elke ou Kersaand egte Amerikaanse Eggnog.